Want Fi Goh Rave — текст песни (Linton Kwesi Johnson)

I woz
waakin doun di road road
di addah day
when a hear a lickle yout-man say

him seh:
yВґu noh si mi situation
mi donВґt have noh accamadaeshan
mi haffi sign aan at di station
at six in di eveninВґ
mi seh mi life got no meaninВґ
ah jusВґ livinВґ widout feelinВґ

still
mi haffi mek a raze
kaw mi come af age
an mi want fi goh rave

I woz
waakin doun di road
annadah day
wВґen ah hear annadah yout-man say

him seh:
mi naw wok fi noh pittance
mi naw draw dem assistance
mi use to run a lickle rackit
but wha, di police dem di stap it
an ah had woz to hap it

still
mi haffi mek a raze
kaw mi come af age
an mi want fi goh rave

I woz waakin doun di road
yet annadah day
wВґen ah hear annadah yout-man say

him seh:
mi haffi pick a packit
tek a wallit fram a jackit
mi haffi dhu it real crabit
anВґ if a lackit mi haffi pap it
anВґ if a safe mi haffi crack it
ar chap it wid mi hatchit
but
mi haffi mek a raze
kaw mi come af age
an mi want fi goh rave